【港鐵四綫故障】《返工2.0》之「塞爆列車」　森美聲音演出：看見港人返工的決心「好陰公」

港鐵今早（16日）史無前例四綫齊信號故障，引發港九交通大混亂，市民花2至3小時都未能上班，被形容是繼強颱風山竹翌日上班大混亂後，另一亂象，甚至「慘過山竹後返工」。有網民今早已迅即將今早交通大混亂情況改圖模仿電影海報，名為《返工2.0》，而電台DJ森美亦旋即聲音演出。他接受TOPick訪問指，希望為港人舒壓，苦中作樂，

希望香港人睇完、聽完可以開心番。

森美今日模擬電影預告片聲音演出《返工2.0》：

繼返工之後，香港市民又一巨獻，『塞爆列車』！究竟你有幾想返工，畀你一試就知道，一次普通嘅路程，點樣可以攞你命，去到車站入唔到閘，入咗閘上唔到車，上到車唔閂門，閂咗門架車唔開，車開咗佢又停，停咗佢又唔開，開咗佢又停，停咗佢又唔開，開咗佢又埋站，埋站佢又唔開門，開門佢又唔閂，不停輪迴幾世都未到！老細一早返到，所有員工失晒蹤，大叫搞錯減人工，全港市民翻眼演出，大人細路傾力擠迫！返工返學好容易，等你試下塞到懵，『塞爆列車』！10月16號，全城失蹤！本片青少年及兒童終於到你！

森美回覆TOPick指，今日（16日）地鐵大塞車是意外，但看到香港人為求返工的決心，覺得「香港好陰公」，於是寫了電影預告片的稿及做個聲音版，為香港人打打氣，

其實係想幫香港人舒壓，希望香港人聽完後可以放鬆下，苦中作樂，最主要都是減壓。

他又指，有同事由香港搭地鐵返無綫電視城都用了4小時。他希望，無論是學校的老師，抑或公司的老細，都不要當學生或員工遲到，體諒他們。

森美今早在商台「早霸王」節目中亦提到，早上7時20分收到女兒的電話，指已身處港鐵九龍塘站，但需20分鐘才有一班車，擔心會遲到。

森美指當時未知發生何事，只著女兒耐心等候。及至半小時後，女兒再致電他指由九龍超至太子需時達半小時，希望他可以駕車接她上學。當森美及太太駕車接到女兒前往中環，雖然選擇行西隧未遇塞車，但到中環再遇塞車，最後其女兒共用了2小時才完成上學之旅。森美打趣指：

2小時連和歌山都可以去到了！

港鐵四綫故障更多報道【按此即看】